Obradoiro de autocoñecemento corporal

A Concellaría de Igualdade do Concello de Compostela en colaboración co grupo de homes pola igualdade de Compostela Micromachinhos teñen a ben presentar o obradoiro de autocoñecemento corporal destinado a homes.

O obxectivo fundamental desta actividade é mellorar o autocoñecemento persoal poñendo no centro os coidados propios como punto de partida para mellorar as nosas relacións coas demais persoas. Os corpos dos homes, atravesados pola masculinidade dominante, son fogares excesivamente ríxidos onde calquera tipo de medo ou frustración é facilmente expresado con violencia. Aprender a recoñecer estas tensións tomando consciencia dos nosos corpos axuda a relaxar, a reducir o estrés e a agresividade. É unha vía de apertura dos nosos corpos cara o bo trato con nós mesmos como base onde nos impulsamos para estender ese trato en positivo co resto da xente. Unha cultura de paz que axude a desterrar a violencia, en particular a de xénero.

A metodoloxía de traballo parte dunha práctica precisa e sinxela que combina diferentes técnicas de traballo corporal: estiramentos, traballo respiratorio e de consciencia corporal. A metodoloxía adáptase ao ritmo da persoa co cal non é preciso ter  ningún tipo de coñecemento ou traballo realizado con anterioridade.

O curso será impartido por Belén Rial e Carmen Cunqueiro, terapeutas morfoanalistas con ampla experiencia no traballo psicocorporal.

A duración da actividade será de 16 horas. E terá lugar en decembro os días  3 (sábado de 10 h-14h e 16 h-20h) e 4 (domingo de 10-14h e 16 h-20h) no Centro Social “O Matadoiro” situado na Praza do Matadoiro de Compostela. As prazas para o curso son limitadas polo que se aceptarán as mesmas por rigorosa orde de chegada ao mail: micromachinhos@gmail.com indicando o nome e teléfono de contacto.

Esta é a primeira das actividades que impulsa a Concellaría de Igualdade destinada ao colectivo masculino e que pon de relevancia a importancia do papel que os homes podemos xogar para construír un futuro de igualdade entre mulleres e homes. Esta motivación, tal e como sinala o documento elaborado pola ONU en 2008 sobre o papel dos homes e os nenos no logro da igualdade, provén de diversas fontes; por exemplo, das relacións dos homes coas mulleres, da preocupación polo seu propio benestar persoal ou das súas familias ou do seu sentido da xustiza social.

É por isto que desde a Concellaría de Igualdade comprácenos abrir esta canle de participación confiando en que estas accións contribúan a abrir camiños que nos leven a unha sociedade máis xusta e igualitaria entre mulleres e homes.

L0034532 A man posing naked, seated on a rocky Credit: Wellcome Library, London. Wellcome Images images@wellcome.ac.uk http://wellcomeimages.org A man posing naked, seated on a rocky outcrop in a leafy landscape. Photograph ca. 1900 Published:  -  Copyrighted work available under Creative Commons Attribution only licence CC BY 4.0 http://creativecommons.org/licenses/by/4.0/

Credit: Wellcome Library, London. Wellcome Images
A man posing naked, seated on a rocky outcrop in a leafy landscape. ca. 1900 
Copyrighted work available under Creative Commons Attribution only licence CC BY 4.0 http://creativecommons.org/licenses/by/4.0/

25 de novembro 2015: III Queima das gravatas

25n_2016

Este 25 de Novembro Dia Internacional contra a violencia de xénero, o grupo de homes de Compostela «Micromachinhos» organizamos por terceiro ano un exorcismo simbólico para contribuir a erradicar a violencia contra as mulleres. Asumimos a responsabilidade de reflexionar sobre este tema derredor do lume e queimar todas aquelas pautas sociais que cada quen de nós considere oportuno prender da súa gravata. Desterrando deste xeito a violencia das nosas relacións, dos nosos corpos, das nosas vidas.

Vémonos o día 25 ás 19h na rúa Carreira do Conde!

QUEIMA DAS GRAVATAS: Foi nos anos 60 cando as mulleres feministas deron en queimar os seus “brassaires” o que na nosa terra chamamos “suxeitador ou sostén”. Este acto simbólico desafiaba ao patriarcado e pulaba pola liberación dos corpos femininos alén das modas impostas. Nós queremos aprender delas queimando as nosas gravatas facendo, deste símbolo, unha evocación liberadora dos dogmas sociais asumidos polo facto de ter nacido varóns, mas tamén, da xenealoxía violenta que ten acompañado ao longo da historia ao suceso de ser home.

Esta queima das fitas está inspirada tamén na psicomaxia, unha técnica de sanación espiritual “non demostrable científicamente” de Alejandro Jodorowsky. Esta técnica mergúllase nos saberes dos chamáns, da psicoanálise e no efecto patético do teatro. Afírmase na premisa de que no inconsciente os actos simbólicos son procesados coma se fosen reais, deste xeito, un acto psicomáxico pode modificar o inconsciente chegando a sandar o trauma psicolóxico.

Queremos ademais que este acto supoña un recoñecemento para todas aquelas mulleres menciñeiras, bruxas, meigas… que foron maltratadas e asasinadas e con elas todo canto tiñan aprendido.

Obradoiro micromachinho na Trisca

O sábado 30 de maio os Micromachinhos tivemos um encontro no centro social da Trisca (e no parque) que nos ofereceu a possibilidade de parar e mirar para atrás e para nós.

Que fixemos até agora? Que queremos fazer? Como queremos seguir avançando? Lançamo-nos estas e muitas outras perguntas que nos servirom para descobrir que em junho imos cumprir 3 anos de caminho e que a vontade de continuar é grande.

IMG_20150530_144404 IMG_20150530_164432

Amor romântico. Aviso para navegantes

Medo nos dá o do amor romântico, e todas as suas variantes mais ou menos trampeiras. Nom vemos que haja muita análise dos perversos efectos que tenhem essas idealizaçons tanto para os homes como para as mulheres. Por isso, dizemos que nom nos contem mais contos (românticos) e que no sistema educativo e de saúde nos prevenham desta intoxicaçom cotiá.

Mentres, penduramos este aviso que devería estar em todos os centros de saúde.

saude

Dia 25N: “Queima de gravatas”

Polo Dia Internacional Contra a Violência de Género, os Micromachinhos propomos um acto aberto de psicomagia… Vemo-nos na Praza Roxa de Compostela às 19h.

Queimagravatas

Este 25 de Novembro Dia Internacional contra a violencia de xénero o grupo de homes de Compostela “Micromachiños” propoñemos un exorcismo simbólico para contribuir a erradicar a violéncia contra as mulleres. Asumimos a responsabilidade de reflexionar sobre este tema derredor do lume e queimar todas aquelas pautas sociais que cada quen de nós considere oportuno prender da sua garabata. Desterrando deste xeito a violencia das nosas relacións, dos nosos corpos, das nosas vidas.

QUEIMA DAS GRAVATAS: Foi nos anos 60 cando as mulleres feministas deron en queimar os seus “brassaires” o que na nosa terra chamamos “suxeitador ou sostén”. Este acto simbólico desafiaba ao patriarcado e pulaba pola liberación dos corpos femininos alén das modas impostas. Nós queremos aprender delas queimando as nosas garabatas facendo, deste símbolo, unha evocación liberadora dos dogmas sociais asumidos polo facto de ter nacido varóns, mais tamén, da xenealoxía violenta que ten acompañado ao longo da historia ao suceso de ser home.

Esta queima das fitas está inspirada tamén na psicomaxia, unha técnica de sanación espiritual “non demostrable científicamente” de Alejandro Jodorowsky. Esta técnica mergúllase nos saberes dos chamáns, da psicoanálise e no efecto patético do teatro.

Afírmase na premisa de que no inconsciente os actos simbólicos son procesados coma se fosen reais, deste xeito, un acto psicomáxico pode modificar o inconsciente chegando a sandar o trauma psicolóxico.

Queremos ademais que este acto supoña un recoñecimento para todas aquelas mulleres menciñeiras, bruxas, meigas… que foron maltratadas e asasinadas e con elas todo canto tiñan aprendido.

Guía de recomendações para a detecção de violência machista em homes

Hoje apresentamos-vos um guia muito interessante: Guia de recomanacions per a la detecció de violència masclista en homes (Guia de recomendações para a detecção de violência machista em homes), elaborado por Canviem-ho, proxecto do Servei d’Atenció a Homes per la promoció de relacions no violentes (SAH), dependente do Ajuntament de Barcelona.

Podedes encontrá-la em catalão (preme na primeira imagem para aceder ao PDF) ou em espanhol (preme na segunda imagem):

Guia_cat Guia_esp